Locau

Le transport des denrées alimentaires coûte de plus en plus cher. Forts de cette constatation, des journalistes de Vancouver (Canada) ont décidé de ne consommer que de la nourriture produite à moins de 150kms de chez eux. Il parait que l'expérience a donné de bons résultats, mais je ne dispose pas d'informations précises. Le Varois que je suis n'aurait aucun mal à se nourrir et même à festoyer en adoptant cette règle:agneau broutard, huile d'olive, fruits et légumes de toutes sortes, miel, Bandol, Coteaux Varois, Côtes de Provence... Mais si le millions de Varois voulaient jouer ce jeu, nous aurions de réels problèmes de ravitaillement!

Locau

Lo pretz dau petroli rende lo transport de la manjuca tant carivènt que convendrà lèu de chanjar nostre biais de manjar. Crussir de poms neozelandés, de rasin sudafrican o chilian, aquo durarà pas. En partènt d'aquèla constatacien, de jornalistas de Vancouver, sus la riba pacifica de Canada, fagueron l'experienci de manjar ren d'autre que de produchs venguts d'un relarg de mens de 150qms de son ostau. Siéu gaire assabentat, mai pareisse qu'aquo a ben marchat. Pasmens, levat lo saumon, la marlussa e lo calamar gigant, li a gaire de producciens localas a Vancouver.
Per un Varés, si contentar dei producciens animalas e vegetalas vengudas dau dedins d'un cèucle que passarié per mitat dins la mar, puei dau caire d'Arles, de Gap e de San Remo sarié gaire malaisat. Manjarié tras que ben, de lipetariés per si sadolar tant que vou. Lo blad dur, aquèu que fa de boan pan, creisse d'en pertot dins Var, Vauclusa, Basseis Aups. Aquèu que prefera lo ris si servirié en Camarga. La carn deliciosa de l'anhèu brotard, lo tardon, s'acompanharà dei banetas e dei faious de la vau de Var proche Nissa. Per faire la bomiana (ratatouille) lei merinjanas, pebrons, pomas d'amor de la Vauclusa nos regalarién. Fromai de cabra, de vaca e de feda, mèu de lavandin, oli (d'olive, inutile de préciser), melon de Cavalhon, podriam donar a baudre una lista completa dei riquesas gastronomicas que sarién ren sensa lei vins de Bandou, Cassis, Cotaus Varés e de Provença, sensa oblidar lo Bellete per leis acompanhar. Avem lo lach per lei drolles e per lei vielhs dau caire de Barcelona e de Jausiers. Avem lo peis e lei popres de la mar, sars, rascassons, gobis, tons rotges. Avem l'aiga pura dei fonts aupencas per aquelei que lo vin li agrada pas. Ren nos manca... pasmens se lo milien de Varés si duviam contentar dei produchs alimentaris venguts dau dedins d'un cèucle de 300 kms de diametre, petariam lèu totei dau fam. Realitat tristoneta per lei partisans dau replec.